Roshni Aur Baharein Tumhi Rakh Lo Jaana
Mere Jugnuu Mere Mausam Waapis Kar Do,
Meri Hasrat, Meri Mehroomiyan Lauta Du Mujhe
Mere Aansu, Mere Maatam Mujhe Waapis Kar Do,
Jaane Waley Se Bas Itna Hi Kaha Tha Maine
Kuch Na Lautao Mere Gham Mujhe Waapis Kar Do,
Kyun Yeh Takraar Si Hone Lagi "Main" Ki Janaa'n
Wo To Hum Tum Mein Tha Ek "Hum" Mujhe Waapis Kar Do,
Jitni Khushiyaan Hain Wo Rakh Lo Meri Jaanib Se "Wasi"
Meri Aankhon Mein Chupey Namm Mujhe Waapis Kar Do...
0 comments:
Post a Comment