Saanp Hee Saanp Nazar Aate Hain Khawaabon Mein Mujhe
Zindagi Ghairnay Waali Hai Azaabon Mein Mujhe,
Ek Tasveer Thi Aur Woh Bhi Kahi'n Guum Kar Di
Umar Bhar Dhoond'na Ab Apni Kitaabon Mein Mujhe,
Lab Se Utra Hai Tere Dard Ka Nasha Mujh Mein
Lutf Aata Nahi'n Duniya Ki Sharaabon Mein Mujhe,
Wo Mujhe Chorr Gya Tha Kisi Rangeeni Mein
Wo Jo Ab Dhoond'ta Rehta Hai Kharaabon Mein Mujhe,
Tum Ne Ek Umar Kiya Hai Nazar Andaaaz "Wasi"
Aur Ab Dhoond'te Phirte Ho Saraabon Mein Mujhe,
Zaroob-O-Taqseeem "Wasi" Ishq Mein Laa Haasil Hai
Jaanay Kyun Khojtay Rehtay Ho Hisaaabon Mein Mujhe?.....
0 comments:
Post a Comment