Main Tere Lab Pe Hun Dareena Shikaayat Ki Tarah
Yaad Rakha Hai TU Ne Mujh Ko Adaawat Ki Tarah,
Chaand Niklay Tou Mera Jism Mehak Uthta Hai
Rooh Mein Utri Hui Taaza Mohabbat Ki Tarah,
Teri Khaatir Tou Koi Jaan Bhi Le Sakta Hoon
Main Ne Chaaha Hai Tujhe Gaon Ki Izzat Ki Tarah,
Khul Rahi Hai Mere Dareena Masaail Ki Giraah
Mere Mahoul Mein Utra Hai Wo Barkat Ki Tarah,
Ab Tere Hijar Mein Kuch Lutf Nahi'n Hai Baaqi
Ab Tujhe Yaad Bhi Kartay Hain Tou Aadat Ki Tarah
Tum Meri Pehli Mohabbat Tou Nahi'n Ho Laikin
Main Ne Chaaha Hai Tumhain Pehli Mohabbat Ki Tarah
Wo Jo Aati Hai Tou Phir Lout Ke Jaati Hee Nahi'n
Tum Lipat Jao Kabhii Aisi Museebat Ki Tarah
Mere Dil Mein Koi Maasoom Sa Bacha Hai “Wasi”
Jo Tujhe Sochta Rehta Hai Sharaarat Ki Tarah...........
0 comments:
Post a Comment