Ab Kaisi Pardah-Daari , Khabar Aam Ho Chuki
Maa Ki Rida Tou, Din Huey, Neelaam Ho Chuki,
Ab Aasmaa.n Se Chadar-e Shab Aaye Bhi Tou Kya
Be-Chadari Zameen Pe iLzaam Ho Chuki,
Ujrey Hue Diyaar Pe Phir Kyun Nigaah Hai
Is Kasht Per Tou Barish-e-Ikraam Ho Chuki,
Sooraj Bhi Us Ko Dhoond Ke Waapis Chalaa Gaya
Ab Ham Bhi Ghar Ko Lout Chalain Shaam Ho Chuki,
Shimley Sambhaaltey Hee Rahay Maslehat Pasand
Hona Tha Jis Ko Pyaar Mein Bad-Naam Ho Chuki,
Aankhain Hain Aur Subha Talak Tera Intezaar
Mishal Bad’dast Raat Terey Naam Ho Chuki,
Koh-e-Nida Se Bhi Sukhan Utrey Agar, Tou Kya
Na-Sameoo.n Main Hurmat-e-iLhaam Ho Chuki.......
0 comments:
Post a Comment