Ab Bhala Chorh Ke Ghar Kya Kartay
Shaam Ke Waqt Safar Kya Kartay
Teri Masroofiatein Jaantay Hain
Apne Aanay Ki Khabar Kya Kartay,
Jab Sitaaray Hee Nahi Mil Paaye
Le Ke Ham Shams-o-Qamar Kya Kartay,
Wo Musaafir Hee Khuli Dhoop Ka Tha
Saaye Phaila Ke Shajar Kya Kartay,
Khaak Hee Awwal-o-Aakhir Thehri
Kar Ke Zarray Ko Gohar Kya Kartay,
Raaye Pehle Se Bana Li TU Ne
Dil Mein Ab Ham Tere Ghar Kya Kartay,
Ishq Ne Saaray Saleeqay Bakhshay
Husn Se Kasb-e-Hunar Kya Kartay...............
0 comments:
Post a Comment