Article on Education

Ø     Article on Education

Taleem kisi bhi fard ya society ko taraki yaafta bnane me eham kirdaar ada karti hai, Agar hum tareekh ke ooraak dekhen to humein pta chalta hai jin qomon ne taraki ki in ki taraki ka raaz in ke nizaam-e taleem me posheeda hai, Bohat se taraki pazeer mumaalik ne apne nizaam-e taleem ko behtar bna kar khud ko taraki yaaafta mumaalik ki list me shaamil kar liya hai. Tareekh gawaah hai ke aaj tak duniya me jitni qomon ne taraki ki hai sirf aur sirf taleem ki wja se hi ki hai. Zamana Qadeem ki Misri, Yunaaani, Chinese, Iraqi, aur Sindhi Tehzeeebon ki taraki ka raaz bhi taleeem mein hi hai, Egypt jaise Shahkaar ki hazaaron saal pehle Takhleeq ko duniya samajne se qaasir hai.
Duniya ka aik hi Basic kanooon hai, aur wo ye hai , Yani taaqat war ka zinda rehna aur kamzooron ka mita diya jaana, Ye qanoon duniya ki tamam makhloooqat par lagoo hota hai. Duniya ki har cheez, insaaan jaaanwar sabhi is qanooon ke paband hain.

Duniya me sirf wohi Qomein zinda rahi hain jinhon ne badalte haaalaat ke Takaazon ke mutaabiq apne aap ko musalsal badla, Har lehaaz se apne aap ko Modern banaya. Shaayed isi liye aisi Qomon ka naam aaj tak zinda hai. Aur jo Qomein apne aap ko haalaat ke takaazon se Hum aahang na kar sakein. Un ka naam hamesha hamesha ke liye mit gya. Ya to mukhtalif Jangon me taaakat war Qomon ne in ka safaaya kar diya ya phir chand sadiyon baad khud hi un Qomon ka wajoood Safha-e Hasti se mit gya.

Ye qanooon aaj bhi isi tarah se lagoo hota hai jaisa ke shuru din se laagoo hota aa raha hai. Musalmaano ki moujooda haalat aur un ke saath kiye jaane wale Bure tareen saloook ki wja bi yehi hai ke wo taleemi lehaaz se Pasti ki jaanib jaa rahe hain. Aik waqt tha ke duniya mein musalmaano ka danka bajta tha. Jaabar Bin Hayan, Bu Ali Sina, Alrazi, Ibnel Hashum, aur Al Beroooni In Azeem Scientist ne duniya ko jadeeed Alooom se roshnaas karwaya. Musalmaano ne jadeed nazariyaat ki badolat taraki ke maraahal Te kiye aur jadeed alooom mein apna Loha manwaya. Lekin jaise hi musalmano ne taleem se doori Ikhtayaar ki to doosri aqwaam in par Haawi ho gayi'n. Aur in se inhi ke alooom Cheen kar taraki kar gaye. Aur aaj wo Chaand par pohanch gaye. Yakeenan Allama Muhammad Iqbal ne isi liye kaha tha.....

"Thay To Wo Aabaaa Tumhare Hi Magar Tum Kya Ho"
      "Haath Par Haath Dharey Muntazir-e Fardaaa Ho"

Haal hi mein aik tehqeeq hui jis ke mutaaabiq duniya ki 400 bari Universities mein Pakistan ki koi bhi university shaamil nahi. Is waqt sirf America mein five thousand seven hundred fifty eight universities hain. Fifty six ke kareeeb Islami Mumaalik me Kul 580 Jab keh Baharat me Universities ki tadaad Majmoooi tor par Islami Mumaalik se zyada yaani 583 hai. Pakistan me 128 Universities education feeld mein apni Khidmaad sar Anjaam de rahi hain. Duniya ki 400 Behtareen universities me Islami Mumaalik mein se Saudi Arabia ke sirf aik university shaamil hai. Jab keh is list me America ki 6 Baharat ki 2 universities shaamil hain. American Newspaper News and World Report ne ye Darjaa Bandi taleeem aur career par tehqeeeq karne wale aik International institute se karwayi hai. Jis me duniya ki Universities ki amliii saaakh, aur International Faculty aur deegar matters ko Merit bnaya gya hai. Ye Report hamare liye baais-e Nidaamat bhi hai. Aaaj jab hum apne payare Nabi, Hazrat Muhammad (P.B.U.H) ke is farmaaan ko bhi bhool chuke hain.

"Elam Momen Ki Gum Shuda Meraaas Hai". Jahan se mile le Lo.

Shaayed inhi taleeemaaat ko nazar andaaaz karna hamare liye Aalaam-e tamam mein ruswaayi ka baais ban raha hai. Aaaj gair muslims Quran Pak ke farameeen par tehqeeeq aur amal kar ke Kaamraani ki manaaazil tak pohanch chuke hain. Unfortunately musalmaan mumaalik ke hukamraano ki tarjeeeh elam ki bjaaye maaal dolat hai.
Duniya ko jahaaalat ki tareeekiyon se nikaaalne aur elam ke nooor se munawar karne wale khud tareekiyon me bhatakne lage . Zawal ki daastaaan tab se shuru hai aur ab tak jaari hai.

• Article on Education