VUSuperior Chat Room

Thursday, 6 February 2014

Sochta Hoon Ke Usay Neend Bhi Aati Hogi

Sochta Hoon Ke Usay Neend Bhi Aati Hogi
Ya Meri Tarah Faqat Ashk Bahati Hogi

Wo Meri Shakal Mera Naam Bhulanay Wali
Apni Tasveer Se Kya Aankh Milati Hogi ?

Is Zameen Pe Bhi Hay Selaab Meray Ashkon Say
Meray Maatam Ki Sada Arsh Helati Hogi

Shaam Hotay Hi Wo Chokhat Pay Jala Kar Shamain
Apni Palkon Pay Kayii Khawaab Sulaati Hogi

Us Nay Silwa Bhi Liye Hongay Siya Rang Lebaas
Ab Moharram Ki Tarah Eid Manaati Hogi

Hoti Hogi Meray Bosay Ki Talab Main Pagal
Jab Bhi Zulfon Main Koii Phool Sajaati Hogi

Meray Tareek Zamano Say Nikalnay Wali
Roshni Tujh Ko Meri Yaad Dilaati Hogi

Dil Ki Masoom Ragain Khud Hi Sulagti Hogi
Joon Hi Tasweer Ka Kona Wo Jalati Hogi

Roop Day Kar Mujhay Us Main Kisi Shehzaday Ka
Apnay Bachon Ko Kahani Wo Sunati Hogi

0 comments:

Post a Comment