Jagaa Sakey Na Tere Lab, Lakeer Aisi Thi
Hamarey Bakht Ki Raikha Bhi Meer Aisi Thi,
Ye Haath Choomey Gai, Phir Bhi Be-Gulaab Rahey
Jo Rutt Bhi Aai Khizaa.n Ki Safeer Aisi Thi,
Wo Merey Pao'n Ko Chooney Jhuka Tha Jis Lamhey
Jo Maangta Usey Deti Ameer Aisi Thi,
Shahadatein Mere Haq Mein Tamaam Jaati Thi'n
Magar Khamosh They Munsif, Nazeer Aisi Thi,
Kutar Ke Jaal Bhi Sayyad Ki Raza Ke Baghair
Tamaam Um’r Na Urti Aseer Aisi Thi,
Phir Us Ke Baad Na Dekhey Visaal Ke Mausam
Judaaiyo'n Ki Ghari Chashm Geer Aisi Thi,
Bas Ik Nigaah Mujhe Dekhta, Chala Jata
Us Aadmi Ki Mohabbat Faqeer Aisi thi,
Rida Ke Saath Luterey Ko Zaad-e Raah Diya
Teri Firagh Dili Merey Veer Aisi Thi,
Kabhi Na Chahney Walo'n Ka Khoon Bahaa Maanga
Nigaar-e-Sheher-e-Sukhan Be-Zameer Aisi Thi.........
0 comments:
Post a Comment